Denominación do exame: Exame CertAcles da Universidade da Coruña, nivel B2.
Idiomas examinados: inglés.
Tipo de exame: institucional.
Obxetivo: acreditar a posesión do nivel B2 (do Marco Común Europeo de Referencia) en inglés.
Exame dirixido a:
- Membros da comunidade universitaria, sen requisitos previos.
- Público xeral (+18 anos), sen requisitos previos.
Validez: válido para acreditar o nivel B2, na Universidade da Coruña e no resto das universidades españolas durante o período de tempo que cada unha decida (xeralmente non menos de catro anos). Válido tamén nas universidades estranxeiras que sexan membros de CERCLES.
Destrezas:
- Comprensión lectora
- Comprensión auditiva
- Expresión e interacción escritas
- Expresión e interacción orais
Contidos:
- Contidos en comprensión lectora
- Contidos en comprensión auditiva
- Contidos en expresión e interacción escritas
- Contidos en expresión e interacción orais
Ponderación das destrezas:
Cada unha das destrezas achega un 25% á nota final (dividido en partes iguais entre o número de tarefas, salvo que no exame se indique outra cousa).
Que nota é necesaria?
Deben reunirse as dúas condicións seguintes:
- Obter unha puntuación promedio de 6 puntos sobre 10.
- Obter non menos de 5 puntos sobre 10 en cada unha das destrezas.
Duración total do exame: ao redor de tres horas.
Comprensión lectora (duración: entre 60 e 70 minutos):
Lectura de entre 2 e 4 textos (documentos auténticos), de entre 500 e 1000 palabras cada un, e un total de entre 1.500 e 2.300 palabras entre todos. Os textos poderán ser descritivos, dialogados, explicativos, expositivos, narrativos, argumentativos etcétera.
Tipos de resposta requiridos nas tarefas do exame:
-
Opción múltipla.
-
Verdadeiro / falso / xustificar.
-
Emparellamento.
-
Ordenar.
-
Encher ocos.
-
Transferir información.
-
Inserir nos lugares adecuados oracións, titulares de parágrafo ou parágrafos.
-
Respostas breves a preguntas abertas.
-
Síntese.